الحب الملعون

العن الحب
فلاشيء يجري فوف الصخر منفردا
ويحظي بالنجاه
ولا همس الجواري في الليالي
يعني لي الحياة
ولا السكوت كان يوما دوايا
ولا الكلام او الملام ولا الغناء
اي قلب متحجرا يروي لي القصة
انني احيا وحيدا عايش بدون لذة
لذتك كانت معايا ولا يوم هتتنسى
كنتي قمري ونور سمايا
نسمه عايشه بضيها تمطر سواد ليلي
كنتي قلبي وزلتي عني وحياتي غنيلي
غني للى راح ولا جاشي
يمكن في يوم اللقاء ييجي ما يدراشي
انتي ليه عايشه ومش عايشه
انتي ليه فيا ما ماسكاشي
كل كلمه قلتهالى فى يوم جميل
او يوم حزين
او ليل طويل
كل لمسه ايد وحضن
كل حبة صدق كانت او حتى كدب
كل همسه وكل لمسه وكل اه
عدت عليه علمت فيا
كل الكلام اللى انتي عايشه بتقوليه
انا بلعنه
كل اه بتحسي بيها
كل صوت رقيق او ليل سواده طويل
انا بمسحه
اجمعي كل الكلام ده
واحفظي حروفه
ومزقيه وتمزقي وحاسبي من خوفه
وما تخافيش مني
انا اصلى مش خواف
انا كنت برسم عنيكي علشان اشوف بيها
بتخيلك جنبي ليلة اعيش فيها
كانت عايزك تبقى ليا
تلعني كل الظروف وتدوسي ع الاوجاع
مرة بلا خوف
اتاريكي خوافه
سبتيني ليه ومشيتي
ولا حاسه بوداعي
ولا دمعه ليا بكيتي
ولا مفيش داعي
حتى الوداع كان بارد
انا اللى بتحرق وانتي بتتفرجي
ولا عايزه تطفى الوجع
يمكن بتتسلى
خلينا نتسلى
طيب نحكي عن اللى فات
كام ليله ولا اسبوع ولا شهر ولا سنين
انا عشت يوم ليكي
نورتي بالوهم لياليا
ولا كنتي يوم ليا
هي الحاجات دي ممكن تحسيها
ولا الاحاسيس اللى حستها ممكن تعيشيها
الحب له الوان بيترسم بيها
لا رسمها يوم فنان انتي رسمتيها
من غير ما تمسكي قلم
انتي كتبتيها
وبتمسحيها ليه خليها تتمايل
ترقص على الاوتار وتعدل المايل
وتاخدني فوق في السما يمكن اكون طايل
سكت الكلام عني ردد امانيا
واتكلم الصمت وقال في حنيه
دي لا حلوه ولا مره
ولا فيها شيىء يتكسر
كل الحكاية انها
بارده وما حساشي
وما تستهلش الندم والحب والاوجاع
هي مش اكتر من اللى كان ولا عاش
زيها زي السنين
هي الاولى والتانية والتالته و....
ولا بلاش !!!